Það er ljóst hvaða liði Ísland mætir í undanúrslitum um laust sæti á EM. Ísland mætir Rúmeníu á Laugardalsvelli í undanúrslitum.
Ísland mætir svo Búlgaríu eða Ungverjalandi í úrslitum, komist liðið þangað. Leikirnir fara fram 26 og 31 mars. Ef Ísland kemst í úrslit er ljóst að liðið fær ekki heimaleik, leikurinn fer þá fram í Búdapest eða Sofíu.
Nú er svo ljóst að Ísland verður í F-riðli ef liðið fer á EM 2020. Þar verður Þýskaland og tvö önnur lið ásamt þeim.
Leikið verður á Allianz Arena vellinum í Munchen, þar spilar Þýskaland alla leiki í riðlinum. Hinir leikirnir í riðlinum verða í Búdapest.
Ástæðan fyrir því að Ísland fer í þennan riðil er að Ungverjaland er með Íslandi í umspilinu. Því gætu þeir leikið á heimavelli á EM, komist þeir áfram. Ungverjaland mætir Búlgaríu í hinum undanúrslitaleiknum.
Það kemur í ljós seint í mars á næsta ári hvort Ísland komist á sitt þriðja stórmót í röð.
