Eiður Smári Guðjohnsen var rekinn af velli á dögunum er U21 landsliðið tapaði gegn Ítalíu í undankeppni EM.
Það var farið yfir málið í þætti Dr. Football í dag sem er í umsjón Hjörvars Hafliðasonar.
Hjörvar er kominn með á hreint af hverju Eiður var rekinn af velli en hann er þjálfari U21 liðsins ásamt Arnari Viðarssyni.
Miðað við sögu Hjörvars þá er ansi undarlegt að dómarinn hafi rekið goðsögnina af velli.
,,Það fóru einhver 200 símtöl í að finna þetta út í gær. Það gerist það að Jónatan, FH-ingur, er skallaður eða hann lendir í einhverjum áflogum við leikmenn Ítala,“ segir Hjörvar.
,,Þá segir Eiður Smári við dómarann, ég er búnað heyra tvær útgáfur, annars vegar: ‘Follow the rules’ eða ‘Follow the fucking rules.’
,,Hann var bara að benda á hvað gerðist við leikmanninn sinn. Ég þekki ekki Eið Smára eins mikið og þið en hann er kurteis náungi. Menn geta alveg sagt þetta.“
