John Obi Mikel, fyrrum leikmaður Chelsea segir að Eden Hazard sé latasti maður sem hann hafi kynnst. Hazard nennir varla að æfa.

Hazard er oft gagnrýndur fyrir að vera of feitur, það gæti verið sökum þess að hann er latur á æfingum. Hazard er hjá Real Madrid í dag en hann og Mikel léku saman hjá Chelsea.

,,Hazard er latasti leikmaðurinn sem ég hef spilað með,“ sagði Mikel.

,,Hann hefur magnaða hæfileika, kannski ekki alveg eins og Messi en hann getur gert það sem hann vill.“

,,Hann vill ekki æfa of mikið, á meðan við vorum að taka auka að lokinni æfingu, þá stóð hann bara þarna. Hann var svo alltaf bestur á leikdegi. Þetta var magnað.“