Íslenska karlalandsliðið fer ekki beint á EM úr riðlakeppni keppninnar eftir markalaust jafntefli við Tyrki í kvöld.
Ísland þurfti á sigri að halda til að eiga möguleika á öðru sætinu en markalaust jafntefli var niðurstaðan.
Við eigum þó enn möguleika á að komast í lokakeppnina og förum í umspil í Þjóðadeildinni.
Við ræddum við Arnór Sigurðsson eftir leik:
,,Þetta er svekkjandi en ég meina við vissum að þetta yrði hörkuleikur. Þetta gat dottið báðum megin. Það er extra súrt að ná ekki að setja hann því við fengum 2-3 opnanir en náðum ekki markinu,“ sagði Arnór.
,,Við vissum að við þyrftum að falla aðeins til baka en samt sækja. Þeir opnuðu okkur mikið en við þá svolítið. Uppleggið virkaði fínt og við spiluðum fínan leik.“
Nánar er rætt við Arnór hér.
