Wojciech Szczesny, markvörður Juventus, hefur komið samherja sínum Cristiano Ronaldo til varnar.
Ronaldo strunsaði reiður af velli um helgina er Juventus vann 1-0 sigur á AC Milan um helgina og hefur verið gagnrýndur.
,,Ég tel að það sé eðlilegt fyrir siguvervegar að reiðast aðeins þegar hann yfirgefur völlinn,“ sagði Szczesny.
,,Hann kemur til baka í betra standi eins og alltaf, hann mun gera gæfumuninn þegar það skiptir máli.“
,,Undanfarnar vikur hefur hann ekki æft 100 prósent og eftir landsleikjahléið verður hann betri. Við þekkjum öll gæði og persónuleika Ronaldo.“
