Pétur Viðarsson, varnarmaður FH hefur ákveðið að leggja skóna á hilluna. Vefmiðilinn, mbl segir frá.

„Þetta er búið að blunda í mér og ég held að þetta sé bara orðið gott. Þetta er bú­inn að vera ótrú­lega skemmti­leg­ur tími og frá­bær for­rétt­indi að fá að spila fyr­ir þenn­an klúbb og taka þátt í vel­gengn­inni sem hef­ur verið hjá fé­lag­inu. Ég hef fengið að taka þátt í ótrú­legu æv­in­týri, Evr­ópu­ferðirn­ar all­ar og vinna marga titla með liðinu. Mér finnst eins og ég sé ný­byrjaður og fyndið að ég sé bú­inn að taka tólf tíma­bil með FH,“ sagði Pét­ur í sam­tali við vefmiðilinn, mbl.is.

Pétur hefur spilað með meistaraflokki FH frá 2006 og hefur verið í lykilhlutverki síðustu ár.

Ólafur Kristjánsson er að hefja sitt þriðja ár í starfi og allt stefnir í að hann þurfi að smíða nýtt lið. Kristinn Steindórsson, Cédric D’Ulivo og fleiri hafa yfirgefið félagið.

Þá hefur Davíð Þór Viðarsson lagt skóna á hilluna og Atli Guðnason er án samnings og skoðar sín mál. Baldur Sigurðsson gekk í raðir FH í gær og má búast við frekari liðsstyrk í Kaplakrika á næstu vikum.