Pep Guardiola, stjóri Manchester City, var öskuillur í kvöld eftir 3-1 tap gegn Liverpool.
Guardiola vildi fá tvær vítaspyrnur í leiknum en hann fékk ekki ósk sína uppfyllta.
Hann var spurður út í frammistöðu dómarana í kvöld og neitaði helst að tjá sig.
,,Spurðu dómarann, ekki spyrja mig. Spurðu Mike Riley og þessa menn í VAR-herberginu,“ sagði Guardiola.
,,Ég vil tala um okkar frammistöðu, hún var svo góð.“
Guardiola var svo spurður út í hvort ummæli hans í leikslok hafi verið í kaldhæðni. Hann sagði: ‘Takk æðislega’ við Michael Oliver dómara leiksins.
,,Alls ekki. Ég óska þeim til hamingju,“ var svar Spánverjans.