Jon McLaughlin, markvörður Sunderland, þurfti að reyna fyrir sér í nýju verkefni um helgina.
McLaughlin lék með Sunderland gegn Gillingham en liðin áttust við í enska bikarnum.
Það voru ekki margir sem létu sjá sig á leikinn um helgina en tæplega átta þúsund stuðningsmenn mættu.
Leikvangur Sunderland tekur 49 þúsund manns í sæti enda var liðið lengi í ensku úrvalsdeildinni.
Það vantaði alla boltastráka á leik helgarinnar sem endaði með 1-1 jafntefli.
McLaughlin þurfti því sjálfur að sækja boltann upp í stúku í hvert skiptið og tók gott skokk þangað áður en hann tók markspyrnu.
