Tammy Abraham, leikmaður Chelsea, hefur svo sannarlega verið í stuði á þessari leiktíð.

Abraham skoraði fyrir Chelsea í gær gegn Crystal Palace og er með tíu mörk í úrvalsdeildinni.

Englendingurinn er að spila sitt fyrsta tímabil fyrir Chelsea en hann hefur áður verið lánaður hingað og þangað.

Athygli vekur að Abraham er búinn að jafna markamet Marcus Rashford í ensku úrvalsdeildinni.

Rashford hefur mest skorað 10 mörk í úrvalsdeildinni á einu tímabili og gerði það í 33 leikjum á síðustu leiktíð.

Abraham hefur náð því sama í aðeins 12 leikjum sem er virkilega góður árangur.