Erik Hamren, landsliðsþjálfari, hefur gert tvær breytingar á leikmannahópi A-landsliðs karla.
Þetta var staðfest í dag en Ísland mun leika við Tyrkland og Moldóva síðar í þessum mánuði.
Markvörðurinn Ingvar Jónsson og varnarmaðurinn Hólmar Örn Eyjólfsson koma inn í hópinn.
Það þýðir að þeir Rúnar Alex Rúnarsson og Rúnar Már Sigurjónsson verða ekki með en þeir eru báðir meiddir.
Þeir voru upphaflega valdir í hópinn en nú er búið að staðfesta breytingar í þessu verkefni.
