Guðmundur Þórarinsson er á förum frá liði Norrkoping í Svíþjóð miðað við frétt Expressen.

Guðmundur er 27 ára gamall en hann hefur staðið sig vel með Norrkoping og spilar nánast alla leiki.

Sænska úrvalsdeildin er búin í bili og gæti Guðmundur verið á leiðinni til Hollands í janúarglugganum.

Expressen segir að Heerenveen þar í landi hafi mikinn áhuga á Guðmundi en önnur lið eru einnig áhugasöm.

Heerenveen er þó eina liðið sem er nafngreint að svo stöddu en þar hafa margir Íslendingar spilað.

Guðmundur hefur verið í atvinnumennsku síðan 2013 og á að baki leiki fyrir Sarpsborg, Nordsjælland, Rosenborg og Norrkoping.