Eiður Smári Guðjohnsen, einn besti knattspyrnumaður í sögu Íslands ræddi ýmsa hluti í hlaðvarpsþættinum, FantasyGandalf sem Hugi Halldórsson og Ingimar Helgi stýra. Þessi magnaði leikmaður átti ótrúlegan feril.
Hugi þekkir ágætlega til Eiðs og heimsótti hann þegar hann lék með Barcelona, sökum þess gat hann rifjað upp sögu af Eiði þegar hann var í heimsókn. ,,Það er fyndið að þú skulir segja þetta, því þú varst með í þeirri ferð. Þú varst með í bílnum þegar við lögðum honum einhvers staðar,,“ sagði Eiður um söguna sem Hugi rifjaði upp.
Þá höfðu þeir félagar farið út að borða á Audi bifreið sem Eiður átti, þegar sækja átti bílinn degi síðar. Fannst hann ekki, það vissi enginn hvar bílnum hafði verið lagt. ,,Ég er rosalega slæmur í myrkvi, ég er rosalega áttavilltur oft á tíðum. Þarna var ég ekki búinn að vera lengi í Barcelona, þekkti borgina ekki inn og út. Svo keyrðum við inn í bæ og fengum okkur að borða, fengum okkur smá rauðvín með matnum.“
Að lokinni máltíð, var bílinn því skilinn eftir. ,,Bíllinn var skilinn eftir, við vorum fjórir saman og enginn okkar mundi fyrir sitt litla líf hvar þessi bíll væri.“
Eftir nokkra daga þá ákvað Eiður að senda mann sem þekkti til í borginni og hafði hjápað sér með hin ýmsu mál. ,,Hann fannst á endanum, það var einn félagi minn sem hjálpaði mér mikið. Skutla eða keyra börnin á æfingar og svona, Beto frá Brasilíu. Ég sendi hann út meðan ég var á æfingu, að finna bílinn í dagsljósi. Maður er ekki stoltastur af þessari sögu,“ sagði Eiður en Audi bifreiðin fannst á endanum.
