Um helgina voru 20 ár frá því að Íslendingar keyptu enska félagið, Stoke City. Guðjón Þórðvarson var ráðinn þjálfari og gerði vel, hann kom félaginu upp í næst efstu deild.

Gunnar Gíslason var stjórnarformaður félagsins, þá 33 ára gamall. Sá yngsti í sögu enska fótboltans á þeim tíma. ,,Okkar markmið er að komast í ensku úrvalsdeildina,“ sagði Gunnar þegar Íslendingar, keyptu félagið. Með í hópnum voru Ásgeir Sigurvinsson og Elfar Aðalsteinsson. Þeir seldu félagið aftur nokkrum árum síðar.

Guðjón eins og alltaf var kokhraustur þegar hann tók starfið. ,,Ég hef sjálfstraust, ég hef reynsluna og þekkinguna til að gera Stoke City að betra liði, vonandi kem ég okkur í fremstu röð,“ sagði Guðjón fyrir 20 árum. Hann var stjóri Stoke frá 1999 til 2002.

Peter Thorne, fyrrum sóknarmaður Stoke rifjar upp stjóratíð Guðjóns við staðarblaðið. ,,Hann var alveg ruglaður en á mjög góðan hátt. Ég elskaði hann, hann hafði rosalega ástríðu. Sá mestu á mínum ferli,“ sagði Thorne.

Thorne rifjaði upp atvik þegar Guðjón braut úr sitt. ,,Þegar hann reiddist þá varð hann alveg vitlaus, ég man eftir atviki í hálfleik á einum leik. Við höfðum spilað hræðilega, hann reif af sér úrið og nelgdi því í vegginn. Það brotnaði í þúsund mola.“

,,Hann gat verið mjög skemmtilegur, hann faðmaði leikmenn og lofsöng þá. Hann minnir á þjálfara eins og Jurgen Kopp, þetta eru stórar sem geta alltaf brosað en fá það besta úr sínum leikmönnum.“