Það eru margir Íslendingar bálreiðir þessa stundina eftir færslu sem Síminn birti á Facebook síðu sína í gær.

Það eru margir sem ætla að fylgjast með enska boltanum í dag en fjölmargir leikir eru á dagskrá.

Síminn sér um að sýna enska boltann hér heima en enginn leikur verður á dagskrá klukkan 14:00 í dag.

Þrír leikir eru spilaðir klukkan 14:00 en enginn af þeim verður sýndur sem er kannski í lagi enda um minni lið að ræða.

Það er þó aðallega sunnudagsdagskráin sem fer illa í fólk en þá eru nokkrir hörkuleikir sem fara fram.

Síminn mun sýna frá leik Manchester United og Norwich sem og viðureign Liverpool og Tottenham.

Það eru aðallega Arsenal-menn sem eru pirraður en leikur Arsenal við Crystal Palace verður ekki sýndur.

,,Það verður enginn leikur á dagskrá klukkan 14.00 á laugardaginn á Síminn Sport. Þess í stað sýnum við frá tveimur leikjum á sunnudaginn,“ stendur í færslu Símanns.

,,Annars vegar frá leik Man. Utd. og Norwich og hins vegar frá leik Liverpool og Totteham. Ástæðan er að við erum bundin því hversu mörgum leikjum við megum sýna frá og við töldum meiri eftirspurn eftir þessum leikjum.“

Margir þurfa því að leita annað ef þeir ætla að sjá leikinn á sunnudaginn sem er mikilvægur fyrir Arsenal.

,,Þetta er orðið soldið kjánalegt. Ég held að ég verði að fara að segja þessari áskrift upp,“ skrifar Óskar Páll Elfarsson við færsluna.