Jaap Stam, goðsögn Manchester United, fékk símtal frá Newcastle United í sumarglugganum.
Stam greindi sjálfur frá þessu í gær en hann er þjálfari Feyenoord í Hollandi þessa stundina.
Stam samþykkti að framlengja samning sinn í Hollandi í sumar og gat því ekki tekið við Newcastle.
,,Newcastle hringdi í mig nokkrum dögum áður en ég skrifaði undir hjá Feyenoord,“ sagði Stam.
,,Það var ekki möguleiki á þessum tíma. Ég stend við mín orð. Þetta var fallegt því fólk á Englandi veit hvað ég stend fyrir sem þjálfari.“