David Luiz, leikmaður Arsenal, telur að liðið geti unnið ensku úrvalsdeildina á þessu tímabili.
Það er óvinsæl skoðun en flestir telja að baráttan verði á milli Liverpool og Manchester City í allan vetur.
,,Við vorum að byrja allar keppnirnar og ef þú heldur að þú getir ekki unnið þær þá mun ekkert ganga upp í lífinu,“ sagði Luiz.
,,Ég vil vinna titla með Arsenal, ég vil bæta mig og aðlagast leikstíl liðsins og hvernig stjórinn vill að við spilum. Ég held að við getum gert þetta saman.“
,,Ég stefni alltaf á titillinn og ég held að við getum barist um hann.“
