Pep Guardiola, stjóri Manchester City, viðurkennir að landsliðsval Englands hafi komið sér á óvart.
Kyle Walker var ekki valinn í nýjasta landsliðshóp Englands en Gareth Southgate ákvað að skilja hann eftir heima.
Walker er mikilvægur hlekkur í liði Englandsmeistarana og kom ákvörðunin Guardiola á óvart.
,,Þetta kom mér aðeins á óvart í fyrstu en ég blanda mér ekki í þetta,“ sagði Guardiola.
,,Við verðum að virða þessa ákvörðun. Kyle kemur sterkari til baka. Ég skil hann og skil ákvörðun Gareth.“
,,Ég er viss um að allir leikmenn vilji spila fyrir landsliðið. Þetta gerðist og við tökum því.“