Birkir Bjarnason, landsliðsmaður Íslands er mættur til Katar og mun skrifa undir hjá Al-Arabi. Birkir hefur verið án félags síðan í ágúst þegar hann rifti samningi við Aston Villa.
Fjöldi liða hafa sýnt Birki áhuga sem stekkur nú á tilboð Al-Arabi, hann kom til Katar í gærkvöldi.
Aron Einar Gunnarsson reif liðband í ökkla á dögunum og verður frá næstu mánuði, Birkir mun fylla hans skarð. Birkir sem er 31 árs gamall lék áður á Ítalíu og með Basel í Sviss en var síðan í herbúðum Aston Villa.
Heimir Hallgrímsson er þjálfari Al-Arabi en ekki er vitað hversu langan samning Birkir mun gera.
Birkir fer í læknisskoðun á Aspetar svæðinu í dag sem er eitt það flottasta í heimi, hann mun svo skrifa undir samning áður en hann mætir á sína fyrstu æfingu á morgun.
وصل الى الدوحه لاعب النادي العربي الجديد الايسلندي ( بيركير بينارسون ) قبل قليل ?⚪️❤️ pic.twitter.com/cSQ4MAOJXY
— الإعلامي حطّام | Ha6am ?? (@QTV__) October 15, 2019
