Ivan Rakitic, leikmaður Barcelona, ætlar ekki að ganga í raðir Manchester United í janúarglugganum.

Það er ESPN sem greinir frá þessu en Rakitic mun líklega yfirgefa Barcelona á nýju ári.

Hann fær afar takmarkað að spila á Nou Camp þessa stundina og gerir sér grein fyrir því að hann sé ekki ofarlega í goggunarröðinni.

United hefur áhuga á að fá Rakitic í sínar raðir og ræddi Króatinn þann möguleika við fjölskylduna.

Fjölskylda leikmannsins hefur engan áhuga á að flytja til Englands en þau hafa lengi búið saman á Spáni.

Rakitic var áður á mála hjá Sevilla en möguleiki er á að hann gangi í raðir Inter Milan.