Hinn geðþekki Claudio Ranieri hefur fundið sér nýtt starf en hann er orðinn aðalþjálfari Sampdoria á Ítalíu.
Þetta var staðfest í dag en Ranieri tekur við af Eusebio Di Francesco sem var rekinn á dögunum.
Di Francesco entist í aðeins nokkra mánuði hjá Sampdoria en liðið byrjaði tímabilið illa.
Ranieri ættu flestir að kannast við en hann vann enska meistaratitilinn með Leicester árið 2016.
Síðan þá hefur Ranieri starfað hjá Fulham og Nantes en þar gekk lítið upp.
