Birkir Bjarnason, landsliðsmaður, var ánægður með frammistöðu liðsins gegn Frökkum í kvöld.
Birkir var valinn maður leiksins en hann var einn allra besti leikmaður vallarins í 1-0 tapi.
,,Við verðum að vera hreinskilnir, þetta var svolítið klaufalegt. Mér fannst við vera með þá á þessum tímapunkti og vorum nálægt því að gera eitthvað,“ sagði Birkir.
,,Við verðum að vera ánægðir með þennan leik, við spilum vel gegn einu af bestu liðum í heimi.“
,,Við náðum að spila mjög vel sérstaklega í seinni hálfleik en svo kemur þetta víti sem opnar leikinn aðeins. Við þurfum að sækja og ná í mark.“
,,Mér leið mjög vel, ég hef beðið lengi eftir þessum leik. Ég hef æft sjálfur og er hrikalega ánægður og það er gott að spila góðan leik.“
