Undirbúningur hjá íslenska karlalandsliðinu í fótbolta er í fullum gangi, liðið mætir Frakklandi á Laugardalsvelli, á föstudag.

Um er að ræða leik í undankeppni en á mánudag í næstu viku er svo heimaleikur gegn Andorra.

Íslenska liðið fékk smá skell gegn Frakklandi á útivelli en þar spilaði Erik Hamren 3-5-2 kerfið. Ekki er líklegt að hann fari í það aftur.

Erfitt er að lesa í liðsval Hamren en Birkir Bjarnason og Emil Hallfreðsson eru án félags, fjarvera Arons Einars Gunnarssonar flækir stöðuna á miðsvæðinu.

Í fyrsta sinn lengi eru Alfreð Finnbogason, Kolbeinn Sigþórsson og Jón Daði Böðvarsson allir við hestaheilsu. Það er okkar mat að Hamren setji Alfreð á bekkinn gegn Frakklandi en byrji honum svo líklega gegn Andorra.

Líklegt byrjunarlið að mati 433.is er hér að neðan.