Ólafur Jóhannesson, fyrrum þjálfari Vals gæti hætt að þjálfa. Þetta kemur fram á vef Morgunblaðsins.
Ólafur fékk ekki lengri samning á Hlíðarenda en Valur mun innan tíðar ráða Heimi Guðjónsson til starfa.
Ólafur starfaði í fimm ár á Hlíðarenda og vann fjóra stóra titla, hann hefur lengi verið í boltanum en gæti nú dregið sig til hlés.
„Ég ætla ekkert að gera hug minn upp fyrr en eftir 15. október. Það eru nokkur félög búin að hafa samband við mig en ég hef ekki tekið ákvörðun um það hvort ég ætli að halda áfram að þjálfa eða ekki,“ segir Ólafur við Morgunblaðið og greinilegt að hann íhugar að setja þjálfaraflautuna á hilluna.
,,Ég ætla að fara yfir mín mál aðeins betur og bíða og sjá til hvað gerist þegar ég kem heim. Ég er bara hugsa mín mál.“