Tommaso Casalini var rekinn úr starfi fyrir að kalla hina 16 ára gömlu, Gretu Thunberg ljótu nafni. Casalini kallaðu þessa ungu stúlku, hóru.
Thunberg er aðgerðarsinni í loftslagsmálum og hefur öðlast heimsfrægð á skömmum tíma. Hún hefur ferðast um heiminn og rætt um vandamálin í loftslagsmálum.
Casalini var þjálfari hjá US Grosseto 1912 sem leikur í fjórðu deild á Ítalíu, ummælin um Gretu lét hann falla á Facebook.
,,Þessi hóra! Það er hægt að negla þessa 16 ára stúlku, hún er á réttum aldri,“ skrifaði Casalini.
Thunberg hafði þá haldið ræðu á þingi hjá sameinuðu þjóðunum en Casalini var lítt hrifinn, hann kallaði þessa 16 ára stúlku, hóru. Það kostaði hann starfið.
,,Félagið fordæmir ummæli aðstoðarþjálfarans, þetta er langt frá þeim gildum sem við förum eftir,“ sagði í yfirlýsingu félagsins.
