Cristiano Ronaldo er með vaxtarlag sem flesta karlmenn dreymir um að hafa, hann er massaður og varla með neina fitu á líkama sínum.

Ronaldo elskar að taka treyju sína af þegar hann er að spila, hann elskar að leyfa fólki að sjá þennan líkama sinn. Hann hefur sagt frá því hvernig hann fær þetta til að virka.

,,Lykilatriði er að hugsa gríðarlega vel um líkama sinn, æfa og taka endurhæfinguna alvarlega. Þú verður svo að borða rétt,“ sagði Ronaldo.

Hann viðurkenndi að hann fengi sér pizzu við og við. ,,Ég fæ mér stundum pizzu með syni mínum, annars væri lífið frekar leiðinlegt.“

Ronaldo fór í próf í fyrra sem sýndi fram á að líkami hans væri eins og á 23 ára einstaklingi en ekki 35 ára eins og Ronaldo er.

,,Ég tók ákvörðun þegar ég var 11 ára gamall, ég vissi að ég hefði hæfileika. Ég ákvað að æfa meira en aðrir. Ég fór að lauma mér út á kvöldin til að æfa.“

,,Það var alltaf talað um að ég væri svo grannur, núna horfir fólk ekki þannig á mig.“

Ronaldo hefur verið einn besti knattspyrnumaður í heimi síðustu 12 árin og virðist ekkert vera að gefa eftir.