Breiðablik og Valur krefjast þess að blaðamaður Morgunblaðsins biðjist afsökunar á orðum sínum. Hann ritaði pistil í blað dagsins.

Þar sakaði Bjarni þessa risa í kvennafótboltanum um að vera með gylliboð fyrir leikmenn. ,,Það hef­ur lengi verið í umræðunni að í keppn­is­ferðum yngri landsliða sé mark­visst reynt að selja ung­um leik­mönn­um það að mögu­leik­ar þeirra um að spila með A-landsliðinu auk­ist til muna ef þeir skrifa und­ir í Kópa­vogi eða á Hlíðar­enda. Ég vona hins veg­ar að ung­ir leik­menn hætti að láta glepj­ast af gylli­boðum og haldi kyrru fyr­ir hjá upp­eld­is­fé­lög­um sín­um þar sem þær fá al­vöru spila­tíma, í það minnsta þangað til þær verða tví­tug­ar,“ skrifaði Bjarni í Morgunblaðið.

Félögin tala um alvarlegar ásakanir sem ekkert sé til, krafist er þess að Bjarnið biðjist afsökunar.

Yfirlýsing Breiðabliks og Vals:
Vegna fullyrðinga Bjarna Helgasonar blaðamanns í bakverði Morgunblaðsins, fimmtudaginn

26. september, vilja knattspyrnudeildir Breiðabliks og Vals óska svara við eftirfarandi:

Hvaða dæmi um “gylliboð” hefur blaðamaður Mbl fyrir því að leikmenn hafi fengið í ferð með yngri landsliðum Íslands?

Getur blaðamaður Morgunblaðsins bent á aðila tengda Breiðabliki eða Val sem hafa “markvisst reynt að selja ungum leikmönnum” slíkt í ferðum á vegum KSÍ?

Knattspyrnustjórnir Breiðabliks og Vals líta þessar ásakanir blaðamanns mjög alvarlegum augum enda úr lausu lofti gripnar og eiga við engin rök að styðjast.

Þess er krafist að blaðamaður biðjist afsökunar.