Það er óhætt að segja að gengi Manchester United hafi ekki verið frábært undanfarna mánuði.
United byrjaði afar vel undir stjórn Ole Gunnar Solskjær en Adam var því miður ekki lengi í paradís.
Síðan United tilkynnti það að Solskjær fengi lengri samning hjá félaginu þá hefur gengið versnað verulega.
Liðið tapaði gegn West Ham um helgina, og Solskjær ver brjálaður við leikmenn sína. Ensk blöð segja að í hálfleik hafi Solskjær tekið hárblásara á sina menn, hann sagði að það væri leiðinlegt að horfa á þá.
Spilamennskan í síðari hálfleik var lítið skárri og eftir leik var Solskjær brjálaður. Hann sagði að frammistaða liðsins væri til skammar, hann las lengi yfir leikmönnum liðsins.
