Gunnar Heiðar Þorvaldsson, fyrrum framherji ÍBV hefur ekki fengið neitt símtal þess efnis að taka við karlaliði félagsins. ÍBV leitar að nýjum þjálfara en Gunnar virðist ekki á lista. Hann ræðir málið við Morgunblaðið.

Gunnar hefur verið orðaður við þjálfarastöðuna í Eyjum en lítil fótur virðist vera fyrir þeim sögusögnum. ÍBV er fallið úr Pepsi Max-deild karla.

,,Ef ég á að vera al­veg hrein­skil­inn þá veit ég satt best að segja ekki hvaðan þess­ar sögu­sagn­ir koma. Það hef­ur aldrei verið haft sam­band við mig af hálfu for­ráðamanna ÍBV og ég held í al­vör­unni að þessi umræða hafi sprottið upp eft­ir ein­hverj­ar fá­rán­leg­ar umræður sem áttu sér stað í brekk­unni á Þjóðhátið. Þaðan hef­ur aldrei komið áreiðan­leg heim­ild,“ sagði Gunnar Heiðar nokkur reiður við Morgunblaðið.

Umræðan um endurkomu Gunnars Heiðars byrjaði í hinum vinsæla hlaðvarpsþætti, Dr. Football. Hann kallar eftir meiri metnaði í fréttamennsku.

„Með fullri virðingu fyr­ir ykk­ur blaðamönn­um þá er sé ég ekki mik­inn metnað í því að pikka bara upp ein­hver um­mæli í ein­hverj­um hlaðvarpsþætti eða sem ein­hver skrif­ar á Twitter og ætla svo að halda því fram að það sé ein­hver frétt. Í mínu til­felli þá var nafn mitt dregið inn í ein­hverja umræðu og sá eini sem hef­ur þurft að svara fyr­ir þetta er ég sjálf­ur. Það hef­ur verið leiðin­legt fyr­ir bæði mig og fjöl­skyldu mína að svara fyr­ir þetta á meðan þeir sem hentu þessu fram á sín­um tíma kom­ast í raun bara upp með að bulla og bulla án þess að þurfa svara eitt­hvað sér­stak­lega fyr­ir það. Þetta er ekki merki­leg frétta­mennska finnst mér og í raun bara óá­byrgt,“ sagði Gunn­ar Heiðar í sam­tali við mbl.is.