Það kom mörgum á óvart þegar Cristiano Ronaldo lét ekki sjá sig á verðlaunaafhendingu FIFA í kvöld.
Ronaldo kom til greina sem besti leikmaður heims en það var Lionel Messi sem vann þau verðlaun að lokum.
Ronaldo var þó valinn í lið ársins hjá FIFA en hann var einn af 11 leikmönnum sem fengu sæti.
Allir leikmennirnir mættu upp á svið til að taka við verðlaununum en Ronaldo var hins vegar hvergi sjáanlegur.
Ástæðan er ekki skýr þessa stundina en það gæti verið vegna þess að Ronaldo er að glíma við smávægileg meiðsli.
Ronaldo hefði þó ekki þurft að ferðast langt en verðlaunaafhendingin fór fram í Milan.
