Mario Balotelli, leikmaður Brescia, er ekkert sérlega spenntur fyrir því að mæta Cristiano Ronaldo á velli.
Balotelli er helsta vopn Brescia í sókninni en liðið mun mæta Juventus í næstu umferð.
Ronaldo er af mörgum talinn bestur í heimi en Balotelli er lítið að hugsa um það.
,,Er það spennandi fyrir mig að spila gegn Ronaldo? Mér er í raun alveg sama,“ sagði Balotelli.
,,Hann er frábær sigurvegari og sá besti ásamt Lionel Messi. Það er gaman að mæta honum en ég er ekkert spenntur.“
,,Ég mun bara reyna að skora mörk eins og í öllum öðrum leikjum.“