Sam Allardyce, fyrrum landsliðsþjálfari Englands, hefur staðfest það að hann hafi hafnað liði Newcastle United.

Newcastle leitaði að stjóra í sumar og vildi félagið ráða Allardyce til starfa en hann hefur áður verið stjóri liðsins.

Allardyce var í átta mánuði hjá Newcastle árið 2008 og hafði ekki áhuga á að snúa aftur þangað.

,,Þetta kom mér svo sannarlega á óvart. Viðræðurnar komust ekki á þann stað sem talað er um,“ sagði Allardyce.

,,Ég ræddi við umboðsmanninn minn og eins mikið og ég virði Newcastle, stuðningsmennina og eigandann þá hentaði þetta mér ekki. Ég sagði nei og horfði fram á við.“