Goðsögnin Óskar Örn Hauksson var gestur í hlaðvarpsþætti 433.is í dag og ræddi þar farsælan feril sinn.

Óskar er 35 ára gamall í dag en hann hefur þrisvar reynt fyrir sér í atvinnumennsku, í Noregi og í Kanada.

Fyrir fjórum árum síðan tók Óskar athyglisvert skref og skrifaði undir lánssamning við FC Edmonton í Kanada.

Liðið leikur í næst efstu deild þar í landi en Óskar var þá 31 árs gamall og tók skrefið út sem kom aðeins á óvart.

Við báðum Óskar að ræða þennan tíma aðeins en hann spilaði þó aðeins tvo leiki fyrir liðið.

,Ég horfi nú kannski ekki á það sem atvinnumennsku, það var meira svona ævintýri og að prófa eitthvað nýtt, að spila í Bandaríkjunum,“ sagði Óskar sem spilar í dag fyrir KR og varð Íslandsmeistari á dögunum.

,,Þeir eru í Kanada en spila meira og minna í Bandaríkjunum. Konan mín bjó í Bandaríkjunum þá og þetta var blanda af ýmsu.“

,,Levelið var fínt. Í þessari deild voru risastór nöfn, að vissu komnir á aldur en Raúl var þarna og fleiri.“

,,Það var bara svona smá ævintýramennska og gerði mér bara gott.“