Shkodran Mustafi, leikmaður Arsenal, lofar því að hann muni ekki fara í stríð við félagið vegna framtíðarinnar.
Mustafi var nálægt því að fara í sumar en nokkur lið vildu fá hann undir lok félagaskiptagluggans.
Mustafi ræddi við blaðamenn eftir 3-0 sigur á Frankfurt í gær og er pollrólegur þessa stundina.
,,Faðir minn sem er líka umboðsmaður minn ræddi við félagið. Ég er leikmaður Arsenal og á tvö ár eftir,“ sagði Mustafi.
,,Ég er ekki einhver sem byrjar stríð þegar eitthvað gengur ekki upp. Ég hef sagt það að ég sé opinn fyrir næsta skrefi en ef ekkert gerist þá spila ég minn bolta.“
