Willian, leikmaður Chelsea, vill ekki yfirgefa félagið næsta sumar eins og talað hefur verið um.
Willian á aðeins 12 mánuði eftir af samningnum sínum og hefur enn ekki fengið nýtt boð.
Willian er 31 árs gamall vængmaður en hann hefur spilað með Chelsea síðan 2013.
,,Ef þú spyrð mig þá vil ég vera hérna áfram,“ sagði Willian í samtali við Standard.
,,Ég á eitt ár eftir af samningnum og vil vera áfram því ég vil spila fyrir Chelsea.“
,,Ég elska þetta félag og elska að búa í London með fjölskyldunni. Ég hef verið hér í sex ár og allt er nú þegar fullkomið.“
