Skúli Jón Friðgeirsson, leikmaður KR, er hættur í knattspyrnu eftir að liðið vann Íslandsmeistaratitilinn í kvöld.
Skúli Jón staðfesti það í kvöld eftir sigur á Val en KR er nú Íslandsmeistari Pepsi Max-deildar karla árið 2019.
,,Þetta er bara geðveikt. Við áttum lokaleikinn að klára þetta á okkar eigin forsendum. Klára leikinn og klára Val. Nú erum við meistarar,“ sagði Skúli.
,,Þetta var mjög svipaður leikur og við höfum spilað í allt sumar. Við skorun snemma og erum mjög solid varnarlega.“
,,Það er mjög góður endir. Ég gaf allt í þennan leik því ég ætlaði að enda þetta svona og ég er mjög ánægður. Við erum verðskuldaðir meistarar.“
