Leikmenn Chelsea voru alveg niðurbrotnir þegar Roman Abramovich ákvað að reka Jose Mourinho árið 2007.

Frá þessu greinir Steve Sidwell, fyrrum leikmaður Chelsea en hann lék með liðinu er Mourinho var rekinn.

Sú ákvörðun kom mörgum á óvart en leikmenn Chelsea og Mourinho voru mjög nánir á þessum tíma.

,,Ég hef spilað með mikið af liðum þar sem þjálfarinn fer annað,“ sagði Sidwell.

,,Það erfiðasta sem ég upplifði var hjá Chelsea þegar Jose fór. Margir leikmenn höfðu unnið með honum lengi og það var fjölskyldu-andrúmsloft þarna.“

,,Við lékum við Rosenborg í Meistaradeildinni. Við töpuðum eða gerðum jafntefli og svo fengum við símtal daginn eftir. Við vissum að eitthvað væri að og Jose var svo rekinn sama dag.“

,,Við vorum allir í búningsklefanum. Fundurinn fór fram uppi og það kom í ljós að Jose væri á fröum.“

,,Ég hafði aðeins verið þarna í nokkra mánuði en hann gekk að öllum og sagði bless. Fólk hágrét. Didier Drogba var í molum.“

,,Ég held að þetta hafi haft áhrif á alla. Hann ræddi við alla og þeir voru allir niðurbrotnir.“