Mauricio Pochettino, stjóri Tottenham, ræddi við David Beckham eftir leik liðsins um helgina.
Beckham var mættur á nýjan völl Tottenham og sá liðið vinna Crystal Palace örugglega, 4-0.
Beckham lagði skóna á hilluna árið 2013 en hann saknar leiksins verulega.
,,Ég ræddi við Beckham eftir leikinn og hann sagði að hann myndi óska þess að hann væri ennþá að spila,“ sagði Pochettino.
,,Hann vildi óska þess að hann væri að spila fyrir Tottenham því nýi völlurinn er frábær.“
,,Við höfum ekki spilað marga leiki hérna og það er mikilvægt að gera þetta að okkar heimili.„
