Sölvi Geir Ottesen, leikmaður Víkings, var gríðarlega ánægður í kvöld eftir 1-0 sigur á FH á Laugardalsvelli.
Víkingur er bikarmeistari 2019 eftir sigurinn í kvöld og átti Sölvi erfitt með að lýsa stundinni.
,,Þetta er ólýsanleg tilfinning. Strax eftir leikinn þá var þetta svo ólýsanlegt, mér leið eins og ég væri að dreyma,“ sagði Sölvi.
,,Mig dreymdi fyrir tveimur dögum að við hefðum unnið bikarinn og var mjög svekktur þegar ég vaknaði. Ég beið eftir að vakna í dag.“
,,Þetta er bara geggjað fyrir framan alla þessa áhorfendur, fjölskyldu mans og vini og fólk sem maður ólst upp með.“
,,Fyrir mót skiptir engu máli. Arnar sagði við mig að svo lengi að ég væri klár þegar mótið byrjar þá væri honum sama hvað ég gerði.“