Það hefur lengi verið rætt um það í heimi fótboltans, hvort það sé í lagi fyrir atvinnumenn í fremstu röð að stunda kynlíf fyrir leik. Sumir þjálfarar hafa bannað slíka iðju kvöldi fyrir leik.

Aðrir telja að það sé ekki neitt að því að taka snúning á hvíta lakinu. Það fái fólk til að slaka á að stunda kynlíf.

Gareth Southgate þjálfari Englands trúir á því að kynlíf hjálpi leikmönnum. Hann bauð því leikmönnum liðsins að fá konur sínar í heimsókn, reglulega á síðasta Heimsmeistaramóti. Sömu sögu er að segja af Pep Guardiola, stjóra Manchester City.

,,Ég stundaði oft kynlíf fyrir leik, það hjálpar mér að halda einbeitingu. Það eru samt ekki allir þjálfarar sem gefa grænt á þetta,“ sagði Ronaldo, einn besti knattspyrnumaður allra tíma frá Brasilíu.

,,Rannsókir hafa sannað að þetta hefur ekki nein mælanleg áhrif að stunda kynlíf,“ sagði Dr Pam sem legið hefur yfir þessu máli.

,,Það er á hreinu, nema að þú sért að stunda kynlíf sem stuðningsfólk Fifty Shades of Grey yrði stolt af.“

,,Ég gerði þetta oft, en reyndi að sleppa kynlífi klukkutíma fyrir leik,“ sagði George Best, á sinum tíma. Þegar hann var og hét.