Marc Andre ter Stegen, markvörður Barcelona, er orðinn pirraður á stöðu sinni í þýska landsliðinu.

Ter Stegen þykir vera einn besti markvörður heims en hann fær lítið að spila með landsliðinu.

Manuel Neuer er aðalmarkvörður Þýskalands og er Ter Stegen byrjaður að íhuga eigin framtíð.

Ter Stegen er orðinn vel þreyttur á því að ferðast með landsliðinu en án þess að fá mínútur á vellinum.

,,Það er ekki auðvelt að útskýra þetta. Ég gef allt mitt í sölurnar í hverjum leik til að gera þessa ákvörðun erfiða,“ sagði Ter Stegen.

,,Ég reyni að verða aðalmarkvörðurinn en þessar ferðir með landsliðinu enda með skell fyrir mig.“

,,Þetta gerir þig svolítið klikkaðan. Þú gerir allt sem þú getur en þú ert ekki þar sem þú vilt vera.“