Ólafur Jóhannesson er líklega að kveðja Íslandsmeistara Vals eftir tímabilið samkvæmt heimildum Fótbolta.net.
Fótbolti.net greinir frá því í kvöld að Ólafur muni ekki fá nýjan samning en hann verður samningslaus í október.
Valur vann Íslandsmeistaratitilinn tvö ár í röð undir hans stjórn en gengið í sumar hefur verið erfitt.
Valsmenn hafa alls ekki staðist væntingar í sumar og missa líklega af Evrópusæti.
Ólafur er hefur stýrt liði Vals undanfarin fjögur ár en liðið spilar við KR á heimavelli á mánudaginn.
