Manchester United reyndi að fá vængmanninn Douglas Costa frá Juventus í sumarglugganum.
Frá þessu greinir Giovanni Branchini en hann er umboðsmaður leikmannsins.
Maurizio Sarri, stjóri Juventus, hafði þó engan áhuga á að leyfa Costa að fara annað.
,,Ég segi það örugglega að Massimiliano Allegri og Maurizio Sarri hafa aldrei hugsað um að losa hann,“ sagði Branchini.
,,Manchester United hafði mikinn áhuga á honum en þeir hafa margoft verið áhugasamir.“
,,Það var ekki eina félag Englands en svo sannarlega það sem reyndi hvað mest til að fá hann.“
