Samuel Umtiti, leikmaður Barcelona, fékk skilaboð frá vinum sínum í sumar en þeir töldu að hann væri á leið til Arsenal.
Það var mikið talað um að Umtiti væri á leið til enska félagsins en hann segist ekki vita neitt um þær sögusagnir.
,,Í alvöru þá veit ég ekkert hvaðan þessar sögusagnir varðandi Arsenal komu,“ sagði Umtiti.
,,Ég las skilaboð frá vinum mínum: ‘ah svo þú ert að fara til Arsenal?’ – ég svaraði bara nei, að ég yrði áfram hjá Barcelona.“
,,Ég veit ekkert um hvort þeir hafi rætt við umboðsmanninn minn. Ég sagði bara við hann að það skipti mig engu máli og að hann þyrfti ekki að tala við mig.“
