Juventus á Ítalíu ætlar að reyna að semja við markvörðinn David de Gea í janúarglugganum.
Frá þessu greina enskir og ítalskir miðlar en De Gea verður samningslaus hjá Manchester United næsta sumar.
Spánverjinn hefur ekki samþykkt að skrifa undir nýjan samning á Old Trafford og gæti farið frítt næsta sumar.
Samkvæmt fregnum þá mun Juventus reyna að fá De Gea í janúar en hann má þá ræða við önnur félög.
De Gea ku vera opinn fyrir því að semja við nýtt félag en United hefur ekki boðið honum þau laun sem hann vill fá.
Juventus gerði nákvæmlega það sama síðasta janúar er liðið samdi við Aaron Ramsey frá Arsenal.
