Virgil van Dijk, leikmaður Liverpool, segir að það sé kominn tími á að varnarmaður vinni virtu verðlaunin Ballon d’Or.

Ballon d’Or verðlaunin eru afhent í loks hvers árs en þar er besti leikmaður ársins valinn.

Van Dijk er talinn nokkuð líklegur til að vinna en síðasti varnarmaður til að fá verðlaunin var Fabio Cannavaro árið 2006.

,,Að vera valinn leikmaður ársins var mikill heiður – það er stærsti heiðurinn því það eru kollegar þínir sem velja,“ sagði Van Dijk sem var valinn besti leikmaður úrvalsdeildarinnar.

,,Ég sagði þá að ég myndi skila þeim verðlaunum til að vinna Meistaradeildina en sem betur fer þurfti ég þess ekki.“

,,Það er heiður að fólk sé að tala um Ballon d’Or en hvað get ég gert? Ég get ekki haft áhrif á þetta val.“

,,Ég skil það að framherjar eða sóknarsinnaðir menn vinni þessi verðlaun því það er fallegra að horfa á. Kannski er kominn tími á að breyta því.“