Freyr Alexandersson, aðstoðarþjálfari landsliðsins, segir að allir leikmenn séu heilir fyrir komandi verkefni í undankeppni EM.

Freyr segir að allir séu klárir en það er spurning með vængmanninn Arnór Sigurðsson sem er enn að koma til baka eftir meiðsli.

,,Já það eru allir heilir, auðvitað er aðeins smá hnjask eftir mikla leikjatörn hjá þeim en enginn er meiddur,“ sagði Freyr.

,,Það er bara sama spurningamerki og fyrir helgi með Arnór, hversu langt hann er kominn í sínu ferli.“

,,Æfingarnar fyrstu dagana eru það rólegar að við getum ekki sagt meira til um það heldur en að það verði orði ljóst á miðvikudagskvöld.“

,,Við höfum misst út nokkra leikmenn þar en við erum með Birki, Arnór Ingva, Arnór Sig, Rúnar Má, Albert og já svo Ara Frey, er hann búinn að tala við þig?“

Sverrir Ingi Ingason hefur dregið sig úr landsliðshópnum og hefur Freyr útskýrt þá ákvörðun.

,,Staða Sverris í PAOK er slæm, það er bara þannig. Við áttum gott samtal við þjálfarateymið og Sverri um hans stöðu og hann þarf á því að halda að æfa með liðinu. Þeir hafa ekkert verið að vinna í taktík og æfa sem lið, þeir spila bara tvo leiki í viku nú í átta vikur undir stjórn nýs þjálfara.“

,,Nú kom breik, það meiddist hafsent og hann er í dauðafæri á að spila sig inn í liðið. Hann þarf að fara að spila og við sýnum því skilning.“