BBC, ríkissjónvarpið í Bretlandi fær mikið af kvörtunum eftir að grín var gert að sköllóttum, í vinsælasta knattspyrnuþætti landsins. Match of the Day.

Grínið átti sér stað á laugardagskvöld þegar Gary Lineker, vinsæll stjórnandi þáttarins gerði grín.

Alan Shearer og Danny Murphy voru gestir Lineker í þættinum en báðir hafa misst hárið. ,,Þetta er öflug byrjun á enska boltanum, þetta fær hárið til að rísa á köflum. Fyrir utan ykkur Shearer og Murphy,“ sagði Lineker.

Mikið af fólki sem misst hefur hárið lætur kvörtunum nú rigna yfir BBC sem hefur ekki undan að svara. Ekki er líklegt að eitthvað verði gert í þessu máli.

Upplýsngafulltrúi BBC ætlar ekki að tjá sig um málið.