Christian Eriksen miðjumaður Tottenham hefur ekki nógu mikinn áhuga á að ganga í raðir Manchester United, svo félagið haldi áfram að ræða við Tottenham.
Ole Gunnar Solskjær, stjóri United vill ekki fá leikmenn sem koma aðeins vegna peninga.
Sú stefna hefur komið sér illa við félagið síðustu ár, United hafði rætt við Tottenham frá því í síðustu viku.
Nú greina allir virtustu blaðamenn Englands frá því að United ætli ekki með málið lengra, félagið telur að Eriksen vilji til Spánar.
Ensk blöð segja svo að Tottenham hafi viljað selja hann til United, fyrir um 80 milljónir punda. Nú stefnir allt í að Eriksen fari til Spánar en Real Madrid og Atletico geta fengið hann á 60 milljónir punda, útsala ef hann fer ekki til liðs á Englandi.
