,,Það verður einhver að fara að eiga þetta samtal,“ sagði Jurgen Klopp, stjóri Liverpool. Hann er ósáttur með það að enska úrvalsdeildin fari af stað næstu helgi.

Það er tveimur vikum á undan deildinni á Ítalíu og Klopp skilur ekki af hverju, boltinn á Englandi fer að rúlla af stað, svona snemma.

,,Ég talaði við Carlo Ancelotti (Þjálfara Napoli), þar eru líka tuttugu lið en þeir byrja 24 ágúst. Koulibaly sem lék með Sadio Mane í Afríkukeppninni, fær fjögurra vikna sumarfrí. Hann er ekki nálægt því að snúa aftur.“

Mane er mættur til æfinga en er smávægilega meiddur, hann fékk lítið frí og Klopp er ósáttur.

,,Ég veit ekki af hverju við byrjum svona snemma, á næsta ári er EM og Suður-Ameríkubikarinn. Byrjum við þá fyrr en allir?.“

,,Ég veit ekki af hverju þetta er svona, enska úrvalsdeildin er frábær. Það munu allir horfa, við þurfum ekki tvær vikur þar sem ekki neinn annar fótbolti er. Það er ekki í lagi, ég elska fótbolta en við verðum að hugsa um leikmennina, það gerir það enginn.“

,,Fólk segir að ég sé að leita að afsökun, það er ekki þannig. Við þurfum að hugsa um þessa hluti.“