Micah Richards lagði skóna á hilluna um helgina en hann er aðeins 31 árs gamall.

Richards eyddi undanförnum fjórum árum hjá Aston Villa þar sem hann var einn launahæsti leikmaður liðsins.

Hann er ekki vinsæll á Villa Park en Richards spilaði aðeins 26 leiki á þessum fjórum árum.

Þessi fyrrum enski landsliðsmaður hefur nú beðið stuðningsmenn félagsins afsökunar.

,,Fyrst og fremst þá vil ég biðja stuðningsmenn Villa afsökunar því þeir fengu ekki að sjá það besta frá mér,“ sagði Richards.

,,Ég fór þangað með það besta í huga og ég vissi að ég væri nógu góður til að standa mig, svo lengi sem hnéð væri í lagi.“

,,Ég vil ekki kenna neinum um af hverju það gerðist ekki en eftir tvö ár þarna þá gat hnéð ekki höndlað meira.“